Famianan a duna lus bèrdè pa porfin bin un dokumentario di e gran kantante Marvin Gaye. E dokumentario lo ta rondó di kreashon dje álbum “What’s Going On”. Esaki ta promé biaha ku yunan i kasá di e legendario kantante di añanan 70 a duna pèrmit pa traha un dokumentario di su obranan. Gabriel Clarke i Torquil Jones lo ta regisornan di e obra, miéntras ku e produkshon ta den man di John McKenna i Victoria Barrel ku den pasado a produsí tambe “Steve McQueen : The Man & Le Mans”. Den e dokumentario lo tin vários material di e artista ku nunka promé no a ser publiká. Lo graba e dokumentario na Detroit, Los Angeles i Washington. Den e siudatnan akí lo papia ku vários artista di Motown i otro miembronan di famia. Marvin Gaye tabata konosí komo “Prince of Soul” i el a fayesé na edat di 44 aña ora ku su propio tata a asesin’é, pa motibu di un disputa di negoshi. Un di su eksitonan ku te awe ta zona ku frekuensia riba radio mundialmente ta “Sexual Healing”.