Djaluna mainta ta kuminsá ku e proseso di entiero di Pastor Norwin Josepa. E programa lo start 11or di mainta i lo pasa na diferente media kaminda pastor Norwin a laborá i tambe na su iglesia Ministerio Bida Abundante. RUTA : Salida na El Tributo. Pasa Pater Euwensweg subi Weg naar Welgelegen, pasa Sta.Helena i Wishi/Marchena i sigui pa Iglesia Bida Abundante. Aki lo kumpli ku e aktonan planiá pa despues sigui pa Radio MAS na Fosfaatweg(Goede Hoop) via di Rooseveltweg. Na Radio MAS ta para un ratu pa Pastor Norwin risibí saludo di despedida. E konvoi di Radio MAS ku koleganan di radio lo uni nan mes na e karavana ku lo sali Fosfaatweg subi Asbestweg, Ser'i Fortunaweg bai sali na altura di 'Mi Lucha'. Ta lora na man drechi pa bai korant Extra i Drukkerij de Stad via Rooseveltweg, Marchena i Weg naar Welgelegen. Na altura di K.A.E ta lora na man drechi bai Extra kaminda lo tin un minüt di silensio pa rekordá e èks-kolega. Ta sigui bira rònt di e rotònde ariba na Piskadera (banda di W.T.C) i bai bèk pa pasa banda di K.A.E i subi Weg naar Welgelegen. Ta lora na Recreation Park drenta Roodeweg. Ta sigui den Kaya Grandi di Otrobanda (Roodeweg/Breedestraat) pa di einan subi Seru di Plasa drenta Hoogstraat i para un ratu na ofisinanan di La Prensa i Último Notisia. Despues sali na lusnan di tráfiko na Hoogstraat pa regresa El Tributo.
