Segun un resumen di Union Oropeo, den e luna ku a pasa Hulanda a tuma 108 refugiado for di Gresia i Italia pa un total di 674. Aña pasa a obligá miembronan di Union Oropeo pa den 2 aña, realoká 160.000 refugiado di e dos paisnan. Entre tantu a realoká 4140 refugiado di Gresia i 1156 di Italia. Segun e akuerdo Hulanda por aseptá 5723 refugiado ainda. Te ku luna pasa Alemania a aseptá 62 refugiado pero entre tantu esaki a yega 215. Paisnan manera Oustria, Polonia i Hungria ainda no a tuma refugiado. Hungria lo tene un referèndem dia 2 di òktober tokante e repartishon obligá di refugiado. Miéntras ku un parti di Oropa ta organisá yegada di refugiadonan e promé minister di Hungria Viktor Orban ta kontra di esaki. Segun e Union Oropeo mester arestá i deportánan. Orban ke pone e refugiadonan riba un isla bou di supervishon di EU.