Djasabra Prensès Beatrix a keda operá den Franciscus/Vlietlandziekenhuis na Schiedam. El a haña un rudia nobo na su pia drechi. Asina Servisio di Informashon di Reino a informá. Segun speshalistanan ortopédiko ku a hasi e intervenshon, e operashon a bai bon. E prensès ta keda algun dia mas den e hòspital i despues e lo sigui rekuperá na kas. Beatrix ya a risibí kaba un rudia nobo na su pia robes na 2005. Debí na e intervenshon aki, Beatrix lo no por tei presente djamars na apertura di e Kongreso Europeo di Enfermeria pa hende grandi na Rotterdam. Reina Máxima lo remplasé.