E Organisashon Mundial pa Meteorologia, ta kalkulá ku aña 2016 lo bira esun mas kayente den historia. E rekòrt lo keda kibra pa di 3 aña konsekutivo. Esaki ta nifiká tambe ku 16 di e 17 añanan mas kayente den historia a tuma lugá den siglo 21. For di promé ku era di industrialisashon, temperatura mundial a subi ku 1.2 grado. E subida di temperatura ta debí prinsipalmente na e efekto di gasnan dañino. Na kuminsamentu di 2016 e fenómeno di wer “El Niño” tambe a afektá e temperatura. Debí na e kambio di wer por nota hopi bia tambe, kasonan di wer ekstremo. Olanan di kalor i inundashonnan ku tabata pasa kada tantu tempu, aworakí ta tuma lugá ku mas frekuensia, asina e órgano di Nashonnan Uni ta deklará. Aña 2016 a kibra diferente rekòrt di temperatura. Den e siudat Sur Afrikano Pretoria a midi un temperatura di 42.7 grado i na Tailandia a midi 44.6 grado na aprel último. Na e siudat Phalodia a midi un temperatura rèkert di 51 grado i na Kuweit a midi 54 grado na yüli.