Sifranan ku Ofisina Sentral pa Statistik CBS a publiká ta mustra ku e poblashon penitensiario a baha ku 8% aña pasá kompará ku e aña promé. E personal ku ta traha den institutonan penitensiario tambe a baha. E kantidat di prezu a kremp den e último 10 añanan pa motibu ku poblashon ta birando bieu i tin un régimen diferente ora di dikta kastigu kaminda por ehèmpel ta pone mas énfasis riba kastigunan di tarea. Aloktonan ta keda e problema ku sobrepresensia den prizònnan na Hulanda. Seis di kada dies prezu aña pasa tabatin un pasado migratorio. Esaki ta personanan ku tin por lo ménos un mayor ku a nanse pafó di Hulanda. Ku 11%, marokanonan ta e grupo mas grandi di alokton di e poblashon penitensiario, sigui pa antianonan i surinameñonan ku 8 i 9 porshento. E kantidat di hóben antiano sintando un kastigu na Hulanda a krese miéntras no a mira e tendensia aki serka e otro gruponan di alokton. Aña pasá tabatin kasi 40.000 persona enkarselá. Nuebe di kada dies prezu ta hende hòmber.