For di awor Qatar Airways ta bula e ruta non-stop di mas largu na mundu. E buelo entre Doha (Qatar) i Auckland (New-Zealand) ta kubri masomenos 14.500 kilometer i ta dura sigur 17 ora i mei. E tempu di buelo pa regreso for di Doha bai Auckland, ta mas kòrtiku. Esaki debí na bentaha di bientu na fabor durante e buelo. E Boeing 777-200LR, ku ta e avion ku a pone disponibel pa buelonan super largu, ta kubri e ruta den 16 ora i 20 minüt, asina Flightradar24 a deklará.
E siman akí lo kuminsá ku e promé buelo ofisial riba e ruta. E ruta entre Doha i New Zealand ta surpasá e buelo mas largu di Emiratonan entre Dubai i Auckland, ku ta masomenos 300 kilometer. E di dos konekshon mas largu di Qatar Airways tambe ta den e tòp dies di e buelonan mas largu na mundo. Esei ta e ruta entre Doha i Los Angeles.