Shakira ta bai divorsiá.

Barcelona - E idolo kantante kolombiana Shakira (40) i su kasá, e fútbòlista di Barca, Gerard Piqué ta bai divorsiá. Asina MailOnline a raportá. Ya e kantante i e fútbòlista no ta bibando huntu.

Segun informashon Shakira ta esun ku a kuminsá ku e proseso di separashon. Den prensa spaño ta papia di un situashon serio, di kua Shakira ya no por dil mas kun’é.

Shakira i Piqué tin dos yu, Milan (4) i Sasha (2). Tur kos ta indiká ku Shakira lo no keda Barcelona e aña akí pa pasa vakansi di verano ku su famia, manera tabata e kaso último añanan. Deseo di e kantante ta pa por viaha ku su yunan pa Miami pa ta huntu ku su mayornan. Sinembargo debí ku fronteranan ta será e ta konsiderando pa bai Spaña o pa muda pèrmanente pa un kas na La Cerdaña.